Անդրադառնալով մարտի 5-ին Սոչիում տեղի ունեցող եռակողմ հանդիպմանը՝ Գալուստ Սահակյանը նկատեց, որ իր սպասելիքները մեծ չեն. Ալիևը կգա, կհոխորտա՝ ավելի ծիծաղելի դառնալով միջազգային հանրության համար:
ՕԵԿ խմբակցության պատգամավոր Հովհաննես Մարգարյանը նկատեց, որ ինքը ևս մեծ սպասելիք չունի Ալիևից, քանի որ Ալիևը մի բան է ասում, ստորագրում մեկ այլ բան, ինչը չի ընդունվում միջազգային հանրության,մասնավորապես ԵԱՀԿ-ի կողմից. խոսքը վերաբերում է ուժի չկիրառմանը:
ՀՅԴ խմբակցության ղեկավար Վահան Հովհաննիսյանը նկատեց, որ լուրջ փոփոխություններ կլինեն Սոչիի հանդիպումից հետո: Նրա խոսքերով, փոփոխություններ կլինեն այն ժամանակ, երբ հայկական կողմն ասի. «Մենք ավելացնելու էլ ոչինչ չունենք, մինչև որ Ղարաբաղը չվերադառնա բանակցային սեղանին։ Այլապես բոլոր հանդիպումները նույնն են ու նույնաբովանդակ: Այն, որ Ղարաբաղը շարունակում է դուրս մնալ բանակցային գործընթացից` իրավիճակը գնալով ավելի է դժվարանում: