ՆԱՏՕ-ի ԽՎ-ում հայաստանյան պատվիրակության անդամ, «Ժառանգություն» խմբակցության ղեկավար Ստեփան Սաֆարյանը, անդրադառնալով ՆԱՏՕ ԽՎ բանաձեւի նախագծին, որտեղ խոսվում է «օկուպացված տարածքների» մասին, տեսակետ հայտնեց, որ դա ճնշում է հակամարտող կողմերի վրա: «Դեկտեմբերի սկզբին Աստանայում կայանալիք ԵԱՀԿ գագաթնաժողովից առաջ ՆԱՏՕ-ի Խորհրդարանական վեհաժողովի կողմից նման բանաձեւի ընդունումը կարելի է որպես ճնշում ընկալել հակամարտող կողմերի նկատմամբ»: Սաֆարյանը նաեւ նշեց, թե Մինսկի խմբի համանախագահները չեն կարող անտեսել միջազգային կազմակերպությունների նույնիսկ խորհրդատվական նշանակության փաստաթղթերը:
