Ինչպես տեղեկացնում է Взгляд պարբերականը, Վրաստանի քաղաքացիական և վրաց-աբխազական պատերազմների մասնակից, գեներալ Գիա Ուչավան որոշում է ընդունել միանալ «Վրաստանի համաժողովրդական ժողով» ընդդիմադիր շարժմանը:
Նա աջակցելու է քաղաքացիական դիմադրության ջոկատների ստեղծմանը:
Версия թերթին տված հարցազրույցում Ուչավան հայտարարել, է որ այդ ջոկատները ստեղծվում են խաղաղ ցույցերի պաշտպանության նպատակով, որոնք անցկացվելու են նախագահ Սաակաշվիլիի հրաժարականի պահանջով: Միևնույն ժամանակ նա շեշտել է, որ կողմ է խաղաղ հեղափոխության գաղափարին, սակայն թույլ չի տա, որ իրավիճակը հասնի արյունահեղության:
Գեներալը նաև ասել է» «Հեռացնում են 35-40 տարեկան զինվորականների` դրանով նրանց սովի մատնելով, քանի որ նրանք այլ մասնագիտություն չունեն: Եթե մենք պետք չենք այս իշխանություններին, ապա պետք է իշխանության գա այնպիսի ուժ, որին մենք անհրաժեշտ կլինենք»: