Ահմադինեժադը Նեթանյահուի «կարմիր գիծը» անլուրջ է անվանել

ՄԱԿ-ի Գլխավոր Ասամբլեայում Իսրայելի վարչապետ Բենյամին Նեթանյահուի կողմից իրանական միջուկային ծրագրի փուլային ներկայացումը անլուրջ և պարզունակ է: Այս մասին հայտարարել է Իրանի նախագահ Մահմուդ Ահմադինեժադը:

Այդ փուլերի վրա կարմիր թաղքագրիչով (ֆլոմաստերով) անցկացրած կարմիր գիծը, որը խորհրդանշում է այն սահմանը, որը չպետք է անցնի իրանական միջուկային ծրագիրը, վիրավորանք է դարձել ՄԱԿ-ի Գլխավոր Ասամբլեայի նիստին ներկաների համար` գտնում է Ահմադինեժադը: