Հարավային Կովկասում ԵՄ նախկին հատուկ ներկայացուցիչ Փիթեր Սեմնեբին news.az-ին տված հարցազրույցում հույս է հայտնել, որ ղարաբաղյան հակամարտության կարգավորման ուղղությամբ զգալի քայլեր կարվեն, այն էլ՝ շատ մոտ ապագայում:
«Դեռ շատ անելիք կա մինչ վերջնական որոշում ընդունելը: Մենք պետք է աջակցենք կարգավորման գործընթացին»,- ասել է Սեմնեբին:
Գործընթացին ԵՄ անմիջական մասնակցության մասին նա ասել է, թե կառույցը չի հավակնում զբաղեցնել Մինսկի խմբի դերը, սակայն դա չի նշանակում, որ այն մնալու է գործընթացից դուրս:
«Եվրամիությունն իր գործընկերոջը` ՄԻնսկի խմբին, աջակցություն և օգնություն ցուցաբերելու հնարավորություններ ունի: ԵՄ-ի` Հարավային Կովկասի բոլոր երկրների հետ հարաբերությունների զարգացումը ցույց է տալիս, որ Եվրոպան շահագրգռված է իրավիճակի կայունացմամբ»,- հայտարարել է Սեմնեբին:
