Կաթնասունների շատ տեսակների արագ վերացումը կարող է կապված լինել Երկիր մոլորակի պատմության մեջ հերթական` վեցերորդ զանգվածային անկման հետ, սակայն, ըստ գիտնականների, իրավիճակը դեռ կարելի է շտկել:
Գիտնականները Երկիր մոլորակի պատմության մեջ առանձնացնում են զագվածային անկման 5 դեպք, որոնցից ամենավաղի` Օրդովիկյան-սիլուրյանի ժամանակ 440 մլն տարի առաջ ոչնչացրել է կենդանիների տեսակների մոտ 86%-ը:
Ամենամեծը համարվում է «Մեծ» պերմյան անկումը, երբ մոտավորապես 251 մլն տարի առաջ ոչնչացել է կենդանի էակների 95%-ը: Իսկ ամենամոտը տեղի է ունեցել 65 մլն տարի առաջ, որը բերել է դինոզավրների մահվանը:
Կալոֆոռնիայի համալսարանից Էնթոնի Բարնոսկին և նրա գործընկերները համեմատել են 5 խոշորագույն անկումները ներկա իրավիճակի հետ: Նրանց կարծիքով, շատ տեսակների պոպուլյացիայի կտրուկ նվազումը, որը նկատվում է այսօր, կարող դառնալ համաշխարհային պատմության մեջ զանգվածային անկման 6-րդ դեպքը:
Գիտնականը հավելել է, որ Բնության պաշտպանության միջազգային կոմիտեն կաթնասունների տեսակներն այսօր դասում է 3 ռիսկային խմբերի` «կրիտիկական վտանգ», «վտանգված է», «խոցելի է»:
Իսկ դա նշանակում է, որ 6-րդ զանգվածային անկումը տեղի կունենա 3-22 դարերի ընթացքում: Նյութերն ըստ RIA-Novosti գործակալության:
