ՄԱԿ-ի բարի կամքի դեսպան, ամերիկյան դերասանուհի Անջելինա Ջոլին այցելել է Աֆղանստան, որի մասին նախապես չէր հայտարարվել` նրա անվտանգության ապահովման նկատառումներով: Այս մասին հաղորդում է CNN-ը:
ՄԱԿ-ի փախստականների հարցերով գլխավոր հանձնակատարի ներկայացուցիչը հայտնել է, որ Ջոլին հանդիպումներ է ունեցել տեղի բնակչության, այն փախստականների հետ, որոնք ապրում են նրանց համար կառուցված ճամբարներում:
Ջոլին նաև այցելել է այն աղջիկներին, որոնք հաճախելու են Ջոլիի հանգանակություններով կառուցված դպրոց: