Իսպանական լրատվամիջոցները հաղորդում են, որ Բիլբաոյի «Աթլետիկ»-ի ու Իսպանիայի ազգային հավաքականի հարձակվող Ֆերնանդո Լյորենտեն մարզչի՝ Մարսելո Բիելսայի հետ ունեցած բարձր տոնով զրույցից հետո ինքնակամ հեռացել է ու չի մասնակցել մարզմանը:
Ըստ աղբյուրի՝ Լյորենտեն չի համաձայնել մասնագետի արտահայտած մտքին՝ բարձրաձայն հայտարարելով այդ մասին: Բիելսան դժգոհել է Լյորենտեից, քանի որ վերջինս, ըստ մասնագետի, ամբողջությամբ չի նվիրվում մարզումներին:
Բիելսայի՝ Լյորենտեի մասին նման միտք արտահայտելուց հետո իսպանացի խաղացողը քմծիծաղ է տվել, որից հետո Բիելսան մոտեցել է Լյորենտեին, ինչ-որ բան ասել: Այնուհետև Լյորենտեն որոշել է մարզում չանցկացնել: Մարզման ամբողջ ժամանակահատվածում թիմը եղել է առանց Ֆերնանդոյի:
