Օրլանդո Դել Վալեի (16-1-0) նկատմամբ հաղթանակից հետո Վիկ Դարչինյանը (39-5-1) հայտարարեց, որ կրկին ցանկանում է նվաճել թեթև քաշային կարգում աշխարհի չեմպիոնի կոչումը:
«Անհավատալի է, որ այդ երեխայի հետ մենամարտից առաջ ես ֆավորիտ չէի համարվում: Նա շատ դանդաղ էր: Ես հաղթեցի բոլոր ռաունդներում:
Ցանկանում եմ մենամարտել Աբներ Մարեսի հետ: Պատրաստ եմ մենամարտել բոլոր չեմպիոնների հետ: Մարեսը պետք է դրական պատասխան տա ինձ, քանի որ մենք արդեն մենամարտել ենք, և ինձնից խլել են հաղթանակը: Համաձայն եմ, որ մենամարտը բարդ էր երկուսիս համար, և հաղթողի անունը որոշելը հեշտ չէր, բայց ես առավելություն ունեի»,- հայտարարել է աշխարհի նախկին չեմպիոնը:
