2000-2008 թթ. Սանկտ-Պետերբուրգում գլխավոր հյուպատոս, այժմ` «Ժառանգություն» կուսակցության վարչության փոխնախագահ Ռուբեն Հակոբյանը օրինաչափ է գնահատում Թուրքիայի այն քայլը, որ վերջինս ողջունել է Հայաստանի եւ Ադրբեջանի համատեղ ստորագրած հռչակագիրն Աստրախանում: Ռուբեն Հակոբյանը Թուրքիայի այդ ակտիվությունը կապում է Լեռնային Ղարաբաղի հակամարտության կարգավորման բանակցությունների հետ: «Ժառանգության» ներկայացուցիչն ուշադրություն է հրավիրում այն հանգամանքի վրա, որ այս գործընթացում ակտիվ դերակատարում ունի Ռուսաստանը: Հռչակագրի մասին արտահայտած իր դրական վերաբերմունքով, ըստ Ռուբեն Հակոբյանի, Թուրքիան որոշակի քայլ է անում նաեւ Ադրբեջանի նկատմամբ:
