Իսպանիայի երգիծական «Խուևես» ամսագիրը նոր համարի շապիկին հրապարակել է Մուհամմեդ մարգարեի ծաղրանկարը, հինգշաբթի հայտնել են տեղի ԶԼՄ-ները, փոխանցում է interfax.ru կայքը:
Նկարում Մուհամմեդն ու այլ մուսուլմաններ ոստիկանական տեղամասում հերթ են կանգնել հետաքննության շրջանակներում: (Նկարի ներքևում գրված է. «Ո՞վ գիտի` ում է նման Մուհամմեդը»:
Համարում չի ճշգրտվում, թե ինչ է նշանակել ծաղրանկարը, սակայն ամսագրի գլխավոր խմբագիր Մայթե Քիլեսն ասել է, որ նկարիչը Մուհամմեդի ծաղրանկար հրապարակելն արգելելու կոչերին հումորով է վերաբերվել: Նրա խոսքով` նկարչի նպատակն է` ցույց տալ, որ քանի որ մարդիկ չգիտեն, թե ինչ տեսք է ունեցել Մուհամմեդը, նրանք չեն կարող հաստատ ասել, որ այս կամ այն ծաղրանկարում հենց նա է պատկերված:
Մուսուլմանները մարգարեի ցանկացած նկար աստվածանարգություն են համարում:
