Հայազգի բռնցքամարտիկ Վիկ Դարչինյանը սեպտեմբերի 29-ին մենամարտելու է Լուիս դել Վալեի հետ:
Դարչինյանը տքնաջան մարզվում է՝ պուերտոռիկոցու դեմ մենամարտին պատրաստվելու համար՝ խոստանալով հուսախաբ չանել իր երկրպագուներին:
«Ես միշտ պայքարում եմ: Բոլորը, ովքեր դիտում են իմ մարտերը, գիտեն այդ մասին: Չեմ վախենում տարբեր վայրերում մենամարտելուց, այդ իսկ պատճառով իմ անունը գիտեն տարբեր մայրցամաքներում: Շաբաթ օրն ինձ սպասվում է շատ ուժեղ պայքար շատ ուժեղ մրցակցի հետ: Դել Վալեն փայլուն բռնցքամարտիկ է: Հաշվի առնելով այս հանգամանքը՝ երաշխավորում եմ, որ իսկական շոու է լինելու: Իմ աշխատանքը ձեզ չի հիասթափեցնի»,- fighthype-ի փոխանցմամբ՝ ասել է Դարչինյանը: