Թուրքական Hurriyet-ն այսօր կրկին անդրադարձել է մի հետաքրքիր թեմայի, որը կապ ունի Ստամբուլում հայկական ներկայության հետ:
Թերթը գրում է, որ պետական շենքերի, պետական հուշարձանների, մեքենաների հետեւի պատուհաններին եւ շատ այլ վայրերում կարելի է հանդիպել թուրքական պետության ստեղծող Մուստաֆա Քեմալ Աթաթուրքի ստորագրությանը: Դա Թուրքիայում տարածված է: Բայց շատ քչերը կսխալվեն այդ ստորագրությունը տարբերակելուց, դրանից էլ քչերը գիտեն, որ այդ ստորագրության էսքիզի հեղինակը Թուրքիայի հայ է, որն այն ստեղծել է ընդամենը մեկ գիշերվա ընթացքում:
Հակոբ Վահրամ Չերչիյանի 90-ամյա որդին` Դիքրան Չերչիյանը պատմում է, որ մի օր 1934թ. իրենց դուռը գիշերով թակել են: Դա եղել է մի ոստիկան, որը փնտրել է իր հորը` ստորագրությունների էսքիզների վարպետ Հակոբ Չերչիյանին: 55-ամյա Հակոբն այդ ժամանակ դասավանդել է Ստամբուլի հայտնի Ռոբերթ Քոլեջում, ուր ունեցել է 25000 ուսանող, որոնցից ամենահայտնիներն են եղել հետագայում վարչապետ դարձած Բյուլենթ Էջեւիթը, արտգործնախարար Սելիմ Սարփերը եւ Թուրղութ Մենեմենջիօգլուլառին եւ կառավարության անդամ Քասըմ Գյուլեքը: Հակոբը նաեւ այցելել է ԱՄՆ, որտեղ սովորել է Պալմերի մեթոդը` վայելչագրություն (կալիգրաֆիա), որն այդ ժամանակ շատ հայտնի էր Թուրքիայում: Իսկ Հակոբ Չերչիյանն էլ դարձավ դրա լավագույն մասնագետը:
Թերթը հիշեցնում է, որ երբ 1923թ. ստեղծվեց Թուրքիայի Հանրապետությունը, երկրի ղեկավարները փորձում էին արդիականացնել երկիրը: Հետագայում որոշում կայացվեց, որպեսզի բոլորն իրենց անուններին ավելցանեն այնպիսի անուններ, որոնք Օսմանյան կայսրության ժամանակ չեն ունեցել: Քեմալն էլ վերցրեց Աթաթուրք` թուրքերի հայր անունը: Շատերին են այդ պատվերը տվել, սակայն, ի վերջո, կանգ են առել Չերչիյանի վրա, որն այդ նույն գիշերվա ընթացքում ներկայացրել է ստորագրության 5 էսքիզ: