Անգլիայում կայացան պրեմիեր լիգայի առաջնության 10-րդ տուրի
հանդիպումները: «Բոլթոն»-ը Ռիբոկ մարզադաշտում կիրակի օրը ընդունեց
Անգլիայի ամենատիտղոսավոր, բայց վերջին տարին դժվար պայմանների մեջ
հայտնված ակումբին`«Լիվերպուլ»-ին: Ամբողջ խաղի ընթացքում ավելի ագրեսիվ
էին գործում «Բոլթոն»-ի ֆուտբոլիստները, բայց 87-րդ րոպեին «Լիվերպուլ»-ի եւ
Արգենտինայի հավաքականի կիսապաշտպան Մաքսի Ռոդրիգեսը հաղթանակ պարգեւեց մերսիսայդցիներին, որից հետո «Լիվերպուլ»-ի երկրպագուները սկսեցին կրկին երգել:Այս տուրում «Չելսի»-ն 2-1 հաշվով հաղթանակ տոնեց «Բլեքբերն»-ի նկատմամբ:
«Արսենալ»-ը 1-0 հաշվով «Վեսթհեմ»-ին պարտության մատնեց, իսկ կենտրոնական խաղում «Մանչեսթր Յունայթեդ»-ը Նեմանյա Վիդիչի եւ Նանիի գնդակների շնորհիվ հաղթանակ տարավ «Տոտենհեմ»-ի նկատմամբ: Մրցաշարային աղյուսակը 10 խաղից հետո 25 միավորով միանձնյա գլխավորում է «Չելսի»-ն:
