Ինչպես տեղեկացնում է Вести-ն, Ռուսաստանի պաշտպանության նախարարությունը սկսել է Գաբալայի ռադիոլոկացիոն կայանի արդիականացման աշխատանքները: Ռուսական կողմը կայանը վարձավճարով է օգտագործում:
Նշվում է, որ արդեն պատրաստ է արդիականացման նախագիծը, ըստ որի` աշխատանքները կավարտվեն 2 տարում: Այլ մանրամասներ չեն հաղորդվում, քանի որ նախագիծը գաղտնի է: Միայն հայտնի է, որ արդիականացումից հետո կայանը կկարողանա «տեսնել» մեկուկես անգամ ավելի հեռու տարածքներ և թիրախներ հայտնաբերել նույնիսկ հասարակացից հարավ:
Գաբալայի ռադիոլոկացիոն կայանի բարձրությունը մոտ 100 մետր է, 18-հարկանի բետոնե կառույցը չունի պատուհաններ:
Ռուսաստանի կողմից վարձավճարով օգտագործելու 10-ամյա պայմանագիրն ավարտվում է հաջորդ տարի: