Մարդկային հիշողությունը մանիպուլյացիայի համար իդեալական օբյեկտ է: Ինչպես ցույց է տվել Շվեդիայի Ուպսալա համալսարանի պրոֆեսոր Թոմաս Ագրենը, հիշողությունից հնարավոր է ջնջել էմոցիոնալ հիշողությունների ինֆորմացիան: Այս մասին տեղեկացնում է Ремедиум-ը:
Հիշողության մեջ տարբեր իրադարձություններ արձանագրվում են մի շարք սպիտակուցների սինթեզի հաշվին: Երբ մարդն ինչ-որ բան հիշում է, հիշողությունը որոշ ժամանակով կորցնում է կայունությունը, այնուհետև վերամիավորվում (տեղի է ունենում ռեկոնսոլիդացիա):
Ստացվում է՝ ամեն անգամ մենք հիշում ենք ոչ թե հենց իրադարձությունը, այլ դրա մասին մեր վերջին հիշողությունը: Իսկ ահա վերամիավորումն ընդհատելով` հնարավոր է փոխել հիշողության պարունակությունը: Ագրենը փորձ է իրականացրել: Նա կամավորներին ցույց է տվել չեզոք պատկերներ՝ էլեկտրական պարպումներով, այնուհետև նկարը ցույց են տվել երկրորդ անգամ՝ առանց էլեկտրական պարպումների:
Հիմնական խմբում ռեկոնսոլիդացիան խախտվել է՝ նույն պատկերի կրկնվող ցուցադրմամբ: Արդյունքում պատկերի և վախի միջև կապն անհետացել է:
Փորձագետների խոսքով՝ հիշողությունը թարմացվում է՝ շնորհիվ էվոլյուցիոն մեխանիզմի: Նշանակում է՝դա կարելի է օգտագործել վախերի, հետտրավմատիկ սթրեսային իրավիճակների բուժման նպատակով:
