РИА Новости-ի փոխանցմամբ՝ Թուրքիայի առողջապահության նախարար Ռեջեփ Աքդաղն այսօր հերքել է արտասահմանյան և տեղական մի շարք ԶԼՄ-ների կողմից Սիրիային սահմանակից Թուրքիայի շրջաններում գտնվող սիրիացի փախստականների ճամբարներում խոլերայի, տիֆի և մալարիայի համաճարակի մասին լուրը.
«Մեր տարածքում հյուրընկալված մեր սիրիացի եղբայրների բուժզննումն իրականացվում է ամենալավ եղանակով: Մենք ուշադիր հետևում ենք նրանց առողջական վիճակին: Բացարձակապես ոչ մի համաճարակ էլ չկա, ինչի մասին շարունակ պնդում են: Մենք այդպիսի տեղեկություններ չենք ստացել փախստականների ճամբարներից»:
Նշվում է, որ ներկայումս Թուրքիայի տարածքում հանգրվանել են մոտ 88,000 սիրիացի փախստականներ: Նրանց համար Թուրքիայի հարավարևելյան 6 նահանգներում ստեղծվել են 12 վրանային ճամբար, 1 տնակային քաղաք և ժամանակավոր ընդունման կենտրոն:
