Վիտալի Կլիչկոն, որի՝ մարզական կարիերան ավարտելու մասին տեղեկատվություն էր տարածվել, հայտարարել է, որ իր խոսքերը ճիշտ չեն հասկացվել:
Հիշեցնենք, որ Կլիչկոն հայտարարել էր, որ Ուկրաինայի դրոշը դեռ ռինգում շատ է բարձրանալու, սակայն ոչ թե իր, այլ եղբոր՝ Վլադիմիրի մասնակցությամբ: Այժմ բռնցքամարտիկը հայտարարում է, որ դա ասելով՝ նկատի չի ունեցել կարիերան ավարտելը, և նրա խոսքն այլ կերպ է հասկացվել:
«Ես Ուկրաինայում եմ՝ նախընտրական փուլին մասնակցելու: Դոնեցկ հաստատ չեմ եկել՝ կարիերաս ավարտելու համար: Շատ եմ հոգնել այս հարցից: Ասել եմ, որ եթե ավարտեմ, դրա մասին կհայտարարեմ: Հիմա խոսք չի գնում դրա մասին: Ներեցեք այսօր տեղի ունեցած մամլո ասուլիսի ժամանակ իմ կողմից արված սխալ շեշտադրմամբ նախադասության համար»,- գրել է բռնցքամարտիկը Facebook-ի իր էջում: