Հայտնի են դարձել ՀԱՀ-ի ռեստորաններից մեկի վրա զիված հարձակման մանրամասները, որի պատճառով մահացել է աշխարհահռչակ բռնցքամարտիկ Կորի Սանդերսը:
Պրետորիայի ռեստորաններից մեկում Սանդերսն իր ընտանիքի անդամների հետ տոնում էր զարմիկի 21-ամյակը: Որոշ ժամանակ անց ռեստորան են ներխուժել 3 զինված հանցագործներ և կրակ բացել:
Գնդակներից մեկը դիպել է Սանդերսի որովայնին այն ժամանակ, երբ նա մարմնով փակել էր իր 15-ամյա դստերը: Սանդերսը միակն է ռեստորանում, որը տուժել է հանցագործների գործողություններից:
WBO վարկածով գերծանր քաշային կարգում աշխարհի նախկին չեմպիոնը տեղափոխվել է հիվանդանոց, որտեղ բժիշկները վիրահատության են ենթարկել նրան, ցավոք՝ ապարդյուն: Սանդերսը մահացել է հիվանդանոցում:
Հիշեցնենք, որ 2003 թվականին Սանդերսը տեխնիկական նոկաուտով հաղթանակ է տարել Վլադիմիր Կլիչկոյի նկատմամբ, իսկ 2004 թվականին պարտություն է կրել Վիտալի Կլիչկոյից:
