«Գրանադա»-ի հետ խաղում իր թիմակից Դավիդ Վիլյայի հետ կոնֆլիկտից հետո Լիոնել Մեսսին հայտարարեց, որ ինքն ու Դավիդը ոչ մի խնդիր չունեն և այդ դրվագն արդեն անցյալում է.
«Հանդերձարանում ամեն ինչ կարգավորվեց: Նման կոնֆլիկտներ սովորաբար լինում են այն խաղերում, երբ թիմը ջանքեր է գործադրում հաղթանակի հասնելու համար, բայց գոլ խփել չի հաջողվում: Այդպիսի վիճաբանություններ լինում են նաև մարզումների ժամանակ:
Նման դրվագները ցույց են տալիս թիմի բնավորությունը, որը ձգտում է հասնել առավելագույն արդյունքի և իր գործին շատ լուրջ է վերաբերվում»,- Մեսսիին մեջբերում է Barça TV-ն:
