Ճապոնիայի բանկը հավելյալ 10 տրլն իեն կուղղի պետական պարտատոմսերի գնմանը՝ դրանով իսկ մինչև 80 տրլն իենով (ավելի քան 1 տրլն դոլար) մեծացնելով ակտիվների գնման ծրագիրը: Այս մասին տեղեկացնում է կարգավորողի կայքը:
Agence France-Presse-ի փոխանցմամբ` Ճապոնիայի բանկի որոշումը անսպասելի էր շուկայի մասնակիցների համար, որոնք ավելի ուշ էին հաղորդագրությունների սպասում:
Սակայն, հավանաբար, այդ հապճեպության պատճառը այլ խոշոր կարգավորողների՝ ամերիկացիների և եվրոպացիների նմանատիպ գործողություններն էին:
Սեպտեմբերի 6-ին Եվրոպական կենտրոնական բանկը պաշտոնապես հայտարարեց պարտքային շուկայում միջամտությունների անցկացման մասին: Պարտատոմսերի գնումը անսահմանափակ է: