ՀՀ ԿԸՀ նախագահ Տիգրան Մուկուչյանը այսօր լրագրողների հետ հանդիպման ժամանակ նշել է, որ 2012 թվականի սեպտեմբերի 9-ին տեղի ունեցած տեղական ինքնակառավարման մարմինների ընտրությունները կայացել են 379 համայնքներում և 716 համայնքի ղեկավարի թեկնածուներից ընտրվել են 379-ը, իսկ 4073 ավագանու անդամ թեկնածուներից՝ 2905-ը:
Նա տեղեկացրեց, որ ընտրված 379 համայնքի ղեկավարներից 95-ը անկուսակցական են, ՀՀԿ-ական են 238-ը, ՕԵԿ՝ 9-ը, 16-ը ՀՅԴ, իսկ 21-ը ԲՀԿ-ից:
2905 ավագանու անդամներից 1888-ը անկուսակցական են, 759-ը՝ ՀՀԿ-ական, 2-ը՝ «Ժառանգություն» կուսակցությունից, 35-ը՝ ՕԵԿ-ական, 7-ը ՀՀՇ-ական, 44-ը՝ ՀՅԴ-ական, 158-ը՝ ԲՀԿ-ական, և այլ կուսակցություններից:
ԿԸՀ նախագահի փոխանցմամբ` ՏԻՄ ընտրություններին ընտրված 379 համայնքի ղեկավարներից 84-ը նոր ղեկավարներ են: Նոր ղեկավար ունեցող 84 համայնքներից 41-ում նախկին համայնքապետերը չեն առաջադրվել:
Տիգրան Մուկուչյանն տեղեկացրել է, որ համայնքներում ընտրություններն անվավեր չեն ճանաչվել, իսկ ընտրությունների արդյունքները բողոքարկելու համար Վարչական դատարան են դիմել միայն Գետափնյա և Հնաբերդ համայնքի թեկնածուները:
Լուսանկարը՝ PanARMENIAN Photo-ի
