Այսօր ԱԺ քառօրյայում աշխատանքի և սոցիալական հարցերի նախարար Արթուր Գրիգորյանը անդրադարձավ ժամանակավոր անաշխատունակության մասին նպաստի փոփոխությանը և նշեց, որ օրենքը, այնուամենայնիվ, ենթարկվել է փոփոխության:
«Նպաստը օրացուցային օրերի փոխարեն աշխատանքային օրերով հաշվարկելու վերաբերյալ փոփոխություն է կատարվել: Հարկ է նկատի ունենալ, որ նախկինում միջին աշխատավարձը բաժանվում էր ամսվա միջին օրացույցային օրերի թվին՝ 30.4, և բազմապատկվում անաշխատունակության ժամանակահատվածի օրացույցային օրերի թվով, իսկ այսօր նպաստը հաշվարկելու համար միջին աշխատավարձը բաժանվում է ամսվա միջին աշխատանքային թվին`21-ի՝ 5-օրյա աշխատանքային շաբաթի դեպքում, 25-ի՝ 6-օրյա շաբաթի դեպքում, և բազմապատկվում ժամանակավոր անաշխատունակության ժամանակահատվածի աշխատանքային օրերի թվով:
Այս պարագայում մաթեմատիկական վարժությունը ցույց է տալիս, որ հիշյալ փոփոխությունը չի ազդում նպաստի չափի վրա: Հղիության և ծննդաբերության նպաստը եկամտահարկով հարկելու վերաբերյալ ժամանակավոր անաշխատունակության հետևանքով կորցրած աշխատավարձը,որը անձը կարող էր ստանալ: Արդյունքում ստացվում է մի իրավիճակ, երբ փոխհատուցման փաստացի գումարը ավելի բարձր է, քան այն եկամուտը, որը անձը կստանար աշխատելու դեպքում, ինչը իր հերթին անթույլատրելի է:
ԱԺ պատգամավոր էռնեստ Սողոմոնյանը հայտարարեց, որ հայ կանայք այժմ կարող են հանգիստ հղիանալ:
Սամվել Նիկոյանն էլ նկատեց,որ նախկին օրենքով փորձ էր արվում ոտնահարել կանանց իրավունքները,սակայն սա այն կարևոր դեպքերից մեկն է, երբ կառավարությունը ականջալուր եղավ և հետամուտ եղավ այս օրենքին: