Ինչպես արդեն հաղորդել էինք, Մարուան Ֆելաինին, հնարավոր է, ձմեռային տրանսֆերային պատուհանի ընթացքում լքի իր թիմը: Նշենք, որ ֆուտբոլիստն այժմ հանդես է գալիս անգլիական «Էվերթոն»-ի կազմում:
Բելգիացի խաղացողի ծառայություններով ակտիվորեն հետաքրքրված է Լոնդոնի «Չելսի»-ն, որը ցանկանում է ձեռք բերել լիվերպուլյան թիմի կիսապաշտպանի տրանսֆերային իրավունքները հունվարյան տրանսֆերային պատուհանի ժամանակ:
Ըստ Goal.com-ի՝ Ֆելաինիի տրանսֆերն «Էվերթոն»-ը գնահատում է 25 միլիոն ֆունտ:
Նշվում է նաև, որ ֆուտբոլիստն անձամբ է հայտարարել թիմը լքելու ցանկություն ունենալու մասին: «Չելսի»-ն ու «Էվերթոն»-ը ամառային տրանսֆերային պատուհանի ժամանակ ևս բանակցություններ էին վարում խաղացողի տեղափոխության վերաբերյալ, սակայն ի վերջո կողմերը համաձայնության չեկան:
«Չելսի»-ն Ֆելաինիին տեսնում է իբրև Ֆրենկ Լեմպարդին փոխարինող:
