Անգլիայի առաջնության 28-րդ տուրում «Մանչեսթեր Յունայթեդ»-ը մեծացրեց միավորների տարբերությունը մրցակիցներից: Ֆերգյուսոնի սաները հյուրընկալվելիս խոշոր` 0:4 հաշվով պարտության մատնեցին «Ուիգան»-ին: Դուբլի հեղինակ դարձավ Չիչարիտոն, մեկական անգամ էլ աչքի ընկան Ռունին և Սիլվան: Այս հաղթանակից հետո մանչեսթերցիները 60 միավորով գլխավորում են մրցաշարային աղյուսակը և «Արսենալ»-ին գերազանցում են 4, «Մանչեսթեր Սիթի»-ին` 10, «Տոտենհեմ»-ին` 13 միավորով:
Անսպասելի արդյունք գրանցվեց «Մանչեսթեր Սիթի»-«Ֆուլհեմ» խաղում: Մանչինիի թիմը սեփական հարկի տակ չկարողացավ պարտության մատնել աղյուսակի Պրեմիեր լիգայում իր տեղը չկորցնելու համար պայքարող «Ֆուլհեմ»-ին: 26-րդ րոպեին Մարիո Բալոտելլիի խփած գնդակին 35-րդ րոպեին պատասխանեց հյուրերի բազմափորձ պաշտպան Դամիեն Դաֆը: «Մանչեսթեր Սիթի»-«Ֆուլհեմ»` 1:1:
Անակնկալ ելքով ավարտվեց նաև «Վեսթ Հեմ»-«Լիվերպուլ» խաղը. Դալգլիշի սաները 3:1 հաշվով զիջեցին մինչ այս հանդիպումը մրցաշարային աղյուսակը եզրափակող թիմին:
Մյուս հանդիպումներում գրանցվեցին հետևյալ արդյունքները.
«Ասթոն Վիլլա» – «Բլեքբըրն»` 4:1
«Էվերտոն» – «Սանդերլենդ»` 2:0
«Նյուքասլ» – «Բոլթոն»` 1:1
«Վուլվերհեփթոն» – «Բլեքփուլ»` 0:4
«Սթոուք» – «Վեսթ Բրոմվիչ» հանդիպումը կկայանա այսօր, «Տոտենհեմ» – «Արսենալ» և «Չելսի» – «Բիրմինգհեմ» հանդիպումները հետաձգվել են լիգայի գավաթի եզրափակիչ «Արսենալ» – «Բիրմինգհեմ» խաղի պատճառով:
