Եթե նախկինում գերեզմանտները պետական էին եւ անվճար տրամադրվում էին հանգուցյալներին, ապա այսօր պետական գերեզմանատներում տեղ չկա, հետեւաբար հանգուցյալնները հանգրվանում են մասնավոր գերեզմանատներում: Իսկ եթե անգամ պետական գերեզմանատներում տարածք է հատկացվում, ապա միայն անանցանելի վայերում ձորերի խորքերում կամ լճացված վայերում, ինչից հանգուցյալի հարազատները շատ հաճախ հրաժարվում են: Հետեւաբար մարդիկ ստիպված են լինում գերեզմաններ գնել մասնավոր կազմակերպություններից: Իսկ մասնավոր գերեզմանատներում գործող գները տրամաբանությունից դուրս են: Նվազագույն հաշվարկներով մասնավոր գերեզմանատներում 4 հոգանոց տարածքի համար` չորսը երեքի վրա Երեւանի բնակիչները ստիպված են վճարել 4 հազար դոլար: Այսինքն յուրաքանչյուր հանգուցյալից պահանջվում է 1000 դոլար: Սակայն հայերը, եթե հանգուցյալ են ունենում միանգամից ամբողջ ընտանիքի համար են տարածքը վերցնում: Շրջաններում գերեզմանի գները տատանվում են 40-60 հազար դրամի սահմաններում: Իսկ հեռավոր գյուղերում դեռեւս անվճար է, հետեւաբար շատ հաճախ քաղաքում շատերը հնարավորություն չունենալով իրենց հանգուցյալի համար տարածք գնել տանում են հեռավոր գյուղեր:
