Ֆրանսիական «Պարի Սեն Ժերմեն»-ի հարձակվող Նենեն հայտարարել է, որ ամռանը շատ մոտ էր «Միլան» տեղափոխվելուն:
«Բանակցություններ էի վարում «Միլան»-ի հետ, ապա զրուցեցի Լեոնարդոյի հետ: Նա ինձ ասաց, որ տեղափոխությունը չի կարող իրականանալ զուտ այն պատճառով, որ իտալական կողմը պատրաստ չէ վճարել իմ իրավունքների համար պահանջվող գումարը: Անչելոտին ու Լեոնարդոն ինձ հասկացրին, որ ես պետք է պատրաստվեմ նոր մրցաշրջանին»,- L’Equipe-ի փոխանցմամբ՝ ասել է Նենեն:
Հավելենք նաև, որ «Միլան»-ը չի դադարում հետաքրքրություն ցուցաբերել ֆուտբոլիստի հանդեպ, ավելին՝ պատրաստվում է ձմռանը նոր առաջարկ անել ֆրանսիական ակումբին՝ Նենեի տրանսֆերը ձեռք բերելու համար:
