Աֆղանստանում ուղևորատար ավտոբուսը բախվել է բենզատարի հետ, ինչի հետևանքով զոհվել է առնվազն 50 մարդ: Այս մասին հաղորդում է Associated Press-ը:
Դեպքը տեղի է ունեցել սեպտեմբերի 14-ին: Հաղորդվում է, որ ավտոբուսը և բենզատարը բախվել են արևելյան Ղազնի մարզում՝ Քաբուլից մոտ 200 կմ հեռավորության վրա: Վթարի հետևանքով բեռնատար ավտոմեքենան բռնկվել է, հրդեհը տարածվել է նաև ավտոբուսում:
AP-ի տվյալներով՝ հրդեհի ժամանակ զոհվել է 51 ուղևոր, այլ տեղեկությունների համաձայն՝ զոհերի թիվը 50 է (ավտոբուսում եղել է 56 մարդ):
Տեղի ոստիկանության ղեկավար Զարավար Զահիդը լրագրողներին հայտնել է, որ վթարի պատճառները դեռ պարզ չեն, իսկ ահաբեկչության տարբերակը նա բացառել է:
