Warner Bros և Legendary Pictures ստուդիաները հայտարարել են «Գոդզիլլա»-ի նոր տարբերակի թողարկման ժամկետը: Այս մասին հաղորդում է Deadline.com-ը:
Ֆիլմը վարձույթ դուրս կգա 2014-ի մայիսի 16-ին: Հայտնի է դարձել նաև, որ ֆիլմը էկրան կբարձրանա եռաչափ ձևաչափով:
Կոմիքսային կերպար հանդիսացող հսկա սողունի մասնակցությամբ առաջին ֆիլմը եղել է ճապոնական Toho ստուդիայի «Գոդզիլլա» ֆիլմը: Ֆիլմը հանդիսատեսին ներկայացվել է 1954 թվականին: Այնուհետև սողունը հայտնվել է ավելի քան 2 տասնյակ ֆիլմերում: ԱՄՆ-ում նույնպես նկարահանել են «Գոդզիլլա» -ն: Այդ տարբերակի ռեժիսորը Ռոլանդ Էմմերիխն էր: Կինոնկարը վարձույթ է դուրս եկել 1998 թվականին:
Ռիմեյքի ռեժիսուրայով զբաղվում է Գարեթ Էդվարդսը, որը ճանաչում է ձեռք բերել՝ շնորհիվ 2010 թվականին թողարկված «Հրեշները» ֆիլմի:
