Ղրղզստանի խորհրդարանական ընտրություններում հաղթանակած ընդդիմադիր «Աթա-Ժուրտ» կուսակցությունը ճանաչել է ընտրությունների արդյունքները: Այդ մասին հայտարարել է կուսակցության ղեկավար Կամչիմբեկ Թաշիեւը: «Ընտրություններն անց են կացվել օրենքի պահանջներին համապատասխան` ազատ եւ թափանցիկ, մենք ճանաչում ենք դրանց արդյունքները, այնպիսին, ինպիսին որ կան», ասել է նա: Միաժամանակ նա հայտարարել է, որ կուսակցությունը դեռ բանակցություններ չի վարել ոչ մի ուժի հետ` կառավարություն ձեւավորելու հարցի վերաբերյալ:
Կիրակի կայացած ընտրությունների արդյունքում «Աթա-Ժուրտ»-ը (Հայրենիք) ստացել է ձայների 8,88%-ը, ՂՍԴԿ-ն` 8,04%, «Առ-Նամիս»-ը (Արժանապատվություն)` 7,74%, «Հանրապետությունը»` 7,24%, «Աթա-Մեքեն»-ը (Բնօրրան)` 5,6%: