Անցած շաբաթ օրը Մոսկվայում WBC վարկածով աշխարհի 41-ամյա չեմպիոն Վիտալի Կլիչկոյի և 21-ամյա Մանուել Չարի միջև կայացած մենամարտից հետո, որն ավարտվել է ուկրաինացու` 4-րդ ռաունդում տարած հաղթանակով, Կլիչկոյի ամենահավանական հակառակորդ, գերծանր քաշային կարգում WBA վարկածով աշխարհի նախկին չեմպիոն բրիտանացի Դավիդ Հեյը Sky Sports News-ին տված հարցազրույցում հայտարարել է, որ կարող է առավելության հասնել Վիտալիի նկատմամբ:
«Նա ֆիզիկապես գերազանցում է ինձ, սակայն գիտեմ, որ հնարավորություն ունենալու դեպքում կարող եմ պարտության մատնել նրան: Հուսով եմ` այն բանից հետո, երբ Վիտալին կպարտվի իր նախընտրական պայքարում, մենք կկարողանանք մենամարտել»,- հայտարարել է Հեյը:
