«Լոռի-ջրմուղկոյուղի» ՓԲԸ սպասարկման տարածքում՝ Վանաձոր քաղաքում և շրջակա 16 գյուղերում, 2010 թվականի ընթացքում ջրամատակարարման տևողությունն ավելացել է 1.8 ժամով՝ 2009 թվականի 5.9 ժամի համամատ՝ հասնելով 8.7 ժամի:
Այսօր ընկերությունը ունի 39.331 բաժանորդ (գյուղական բաժանորդների թիվը՝ 4420), նրանցից 35.163-ը ջրաչափ տեղադրած բաժանորդներ են, մնացածը վճարում են ըստ անձ-քանակի, բակային ծորակի կամ խողովակի թողունակության կտրվածքի հաշվարկով։
Պարտքեր կուտակած, վճարելուց խուսափող սպառողներից վարձավճարները ընկերությունը գանձում է դատական կարգով. 319 գործ է հանձնվել դատարան` մոտ 27 մլն դրամ դեբիտորական պարտքը դատական կարգով բռնագանձելու համար։
Հետաքրքիր է, որ Լոռվա առաջին ատյանի դատարանը մերժել է 9 գործ, 19-ը ընթացքի մեջ է։
Նախորդ տարվա համար ջրամատակարարման և ջրահեռացման դիմաց վարձավճարների հավաքագրումը կազմել է 367 միլիոն 210 հազար դրամ՝ 406 մլն 891 հազար դրամ հասույթի դիմաց:
Հավաքագրումը կազմել է 88%, 2009թ-ի համեմատությամ բհավաքագրման աճը կազմել է 30.8%:
Սակայն ջրի կորուստի մակարդակը շարունակում է բարձր մնալ։