Քաթարի մայրաքաղաք Դոհայում ընթացող կանանց գրան պրի մրցաշարի վերջին 6-րդ փուլում շարունակում է հրաշալի հանդես գալ Հայաստանի երկրորդ շախմատիստուհի Էլինա Դանիելյանը: Հայ գրոսմայստերը 4-րդ տուրում սև ֆիգուրներով պարտության մատնեց ՖԻԴԵ-ի դասակարգման 6-րդ շախմատիստուհի Նանա Ձագնիձեին և բացարձակ արդյունքով շարունակում է միանձնյա գլխավորել մրցաշարային աղյուսակը:
Երկրորդ տեղում ընթացող Էկվադորցի Մարթա Ֆիերոն ոչ-ոքի խաղաց Շվեդիայի ներկայացուցիչ Պիա Կրամլինգի հետ, ինչը նշանակում է, որ Էլինան մոտակա հետապնդողին արդեն գերազանցում է 1.5 միավորով:
Այս մրցաշարում շատ վատ է հանդես գալիս Հայաստանը ներկայացնող մյուս գրոսմայստերը: Լիլիթ Մկրտչյանն այս տուրում սպիտակ ֆիգուրներով պարտություն կրեց Մայա Չիբուրդանիձեից և Բութայագ Մոնգունթուլի հետ մեկ միավորով եզրափակում է մրցաշարային աղյուսակը:
4-րդ տուրի մյուս հանդիպումներում գրանցվեցին հետևյալ արդյունքները.
Համպի Կոներու – Անտոանետա Ստեֆանովա 1/2
Յուհուա Քսյու – Բութայագ Մոնգունթուլ 1:0
Չեն Զհու – Մարի Սեբա (չի ավարտվել):