Գերմանացի բռնցքամարտիկ Մանուել Չարը, խոսելով այսօր առավոտյան տեղի ունեցած Կլիչկո – Չար մենամարտի մասին, որում, բժիշկների որոշմամբ, հաղթանակը տրվեց Կլիչկոյին՝ Չարին շարունակելու հնարավորությունից զրկելով, ասել է, որ ինքը չի համարում, թե պարտություն է կրել, քանի որ եթե շարունակեր մենամարտը, ինքն անպայման նոկաուտի կենթարկեր ուկրաինացի մարզիկին:
«Ես ինձ չեմ համարում պարտված: Այն, որ Վիտալին աննշան առավելություն ուներ, ոչ մի նշանակություն չունի: Հանդիպման երկրորդ մասում նա գետնին կհայտնվեր: Կլիչկոն արդեն ահագին տարիքով է և չէր կարող դիմակայել իմ տեմպին: Ես միշտ առաջ էի գնում ու տեսնում վախը Կլիչկոյի աչքերում: Նրա հարվածներն ինձ որևէ վնաս չէին հասցնում»,- ասել է Չարը:
