Րաֆֆի Հովհաննիսյանը մամուլի ասուլիսում հայտարարեց, որ ներքին կյանքում պետք է լինեն փոփոխություններ, քաղաքացիական ազատություններ տրվեն, ազատ արձակվեն քաղբանտարկյալները:ՙՈչ թե պետք է գնալ միակողմանի արկածախնդրությունների, ինչպիսիք էին հայ-թուրքական արձանագրությունները,այլ` ցույց տալ, որ մեր խոսքը, միտքը եւ գործը համապատասխանում են՚,- ասաց նա: Անդրադառնալով ՀՀ-ի քսան տարվա արտաքին քաղաքականությանը` նա նշեց, որ Հայաստանը միշտ էլ ակնկալել է նվազագույն շահ եւ ցուցաբերել զգուշավորություն: Մինչդեռ, Ր. Հովհաննիսյանի դիտարկմամբ, հարեւան ագրեսոր պետությունն օգտագործել է բոլոր միջազգային ամբիոնները եւ հայտարարել, որ ինքն է զոհն ու իրավազրկվածը:Րաֆֆի Հովհաննիսյանը կարծում է, որ ՀՀ բոլոր քաղաքական ուժերը պետք է կողմ քվեարկեն ԼՂ ճանաչման օրինագծին, որն էլ ցույց կտա, որ Արցախի հարցը մեր պետական օրակարգում է:
