«Կրծքով կերակրելու խրախուսումը շատ կարևոր ռազմավարական խնդիր է մեր պետության համար, քանի որ այն կարևոր է երեխայի առողջության, աճի և զարգացման համար»,- լրագրողների հետ հանդիպման ժամանակ նշեց ԱԺ առողջապահության, մայրության և մանկության հարցերի մշտական հանձնաժողովի նախագահ Արա Բաբլոյանը:
Կրծքով կերակրելը շատ կարևոր է առաջին վեց ամիսների ընթացքում:
Առաջին անգամ Հայաստանում մշակվել է օրենք, որը արգելում է մինչև 6 ամսական երեխաների համար նախատեսված արհեստական կերերը, կերակրման շշերը և ծծակները գովազդելը:
Քանի որ շատ կարևոր է կրծքով կերակրումը, ուստի, ըստ մասնագետների, պետք չէ թույլ տալ, որպեսզի խրախուսվեն մանկական կերերը: Օրենքն արգելում է ոչ թե կերերի մասին տեղեկատվություն տալը, այլ նշում է, թե ով պետք է այդ ինֆորմացիան տա մայրերին:
Համաձայն նշվող օրենքի` ինֆորմացիան պետք է տրամադրվի ոչ թե գովազդի միջոցով,այլ բուժաշխատողի:
