Discovery շաթլը հաջող մեկնարկ է ունեցել Ֆլորիդա նահանգի Մերիտ կղզում գտնվող Ջորջ Քենեդու անվան տիեզերական կենտրոնից: Այս մասին հայտնում են Տիեզերագնացության և տիեզերքի ուսումնասիրության ԱՄՆ Ազգային միության (NASA) ներկայացուցիչները, հայտնում է Associated Press:
Մեկնարկը տեղի է ունեցել Երևանի ժամանակով 01:53 րոպեին: Նրա կազմում են 6 տիեզերագնացներ: Շատլի 39-րդ և վերջին թռիչքը դիտելու համար հավաքվել էին շատ մարդիկ, ճանապարհները, որոնք տանում էին դեպի այդ վայրը, անչափ ծանրաբեռնված են եղել:
Սակայն անսարքությունների պատճառով մեկնարկ անընդհատ տեղափոխվում էր, այդուհանդերձ հունվարի 11-ին NASA-ից հայտնել են, որ անսարքության պատճառը հայտնաբերվել է և վերացվել:
Discovery-ի գլխավոր առաջադրանքը դեպի Միջազգային տիեզերական կայան ամերիկյան հատվածի մասնիկի տեղափոխումն ու տեղադրումն է, կայանի վերահագեցվածությունն և ծախսվող նյութերի ավելացումը: Նրա կազմում են 6 ամերիկացի տիեզերագնաց` Սթիվեն Լինդսին, Էրիկ Բոն, Էլվին Դրյուն, Թիմոթի Կոպրան, Մայքլ Բարրատը, Նիկոլ Ստոտը:
Discovery-ին NASA-ի բազմակի օգտագործման 3-րդ տիեզերանավն է: Այն շահագործման է հանձնվել 1982թ.-ի նոյեմբերին, իսկ առաջին անգամ թռիչք է կատարել 1984թ.-ին: Ներկա պահին այն ամենահին շատլն է: Իր ամբողջ գոյության 26 տարիների ընթացքում այն 39 թռիչք է կատարել:
Հենց Discovery-ին վերջին թռիչքից հետո փոխանցեն թանգարան, NASA-ի ենթակայության տակ կմնա ընդամենը մեկ շատլ` Endeavour: Այն պետք է երկու թռիչք կատարի տիեզերք 2011թ.-ի փետրվարին և մարտին: Այլ ծրագրերի մասին դեռ տեղեկություններ չեն հայտնվում: