«Ռուսաստանի հետ բավականին լուրջ են վերաբերում Հարավային Կովկասի տարածաշրջանին և աշխատում են մաքսիմալ ձևով տեղեկացված լինել, թե ինչ է այնտեղ կատարվում»,- անդրադառնալով ԱՄՆ պետքարտուղարի առաջին տեղակալ Ջեյմս Սթեյնբերգի տարածաշրջան այցելությանը` ասաց Ռազմավարական մշակույթի հիմնադրամի գլխավոր տնօրենի տեղակալ Անդրեյ Արեշևը:
Արեշևի գնահատմամբ, կարևոր հարց է, թե կառուցողական ինչ տարբերակ կարող են առաջարկել ամերիկացիները ղարաբաղյան հարցի կարգավորման վերաբերյալ:
«Հստակ է, որ նմանատիպ կոնֆլիկտների, ինչպիսիք են` Կոսովոն, Աբխազիան, Հարավայի Օսիան, Հարավային Սուդանը, լուծման փորձը առաջարկում է որոշակի մոդել:
Բայց Ղարաբաղի դեպքում այդ մոդելի գոնե մասնակի կիրառման մասին չի խոսում, և միայն առաջարկվում է գրեթե վերացական Մադրիդյան սկզբունքները, որոնց կիրառման դեպքում իրավիճակը Հարավային Կովկասում կարող է էլ ավելի լարվել»,- «Առաջին լրատվականի» հետ զրույցում ասաց Արեշևը և հավելեց, որ ամեն ինչ վկայում է այն մասին, ամերիկյան դիվանագիտության նպատակը ևս ստատուս-քվոյի պահպանումն է: