Երեկ և այսօր գրեթե բոլոր ԶԼՄ-ները լուր են տարածում ՄԻՊ կոալիցիոն թեկնածուի և ԱԺ-ում առաջիկա գաղտնի քվեարկության մասին: Սակայն որևէ մեկը չի նշում այն փաստը, որ ՄԻՊ պաշտոնը զբաղեցված է, քանի որ Ա.Հարությունյանի հրաժարականը չի ընդունվել ԱԺ-ի կողմից /Հ.Գ./:
Այսպիսով ստացվում է, որ, հհկ-ական կոալիցիան ՄԻՊ նշանակելուց կիրառում է ԱԺ կանոնակարգի 97-րդ հոդվածի 8-րդ կետի պահանջներն, իսկ հրաժարականն ընդունելուց` ոչ: Այսինքն` իր իսկ կողմից պաշտոնի նշանակվածի հրաժարականի պատճառներն Օրենսդիր իշխանությանը չի էլ հետաքրքրում:
Ա~յ, քեզ ապօրինություն!
Այդ կապակցությամբ, մենք անգամ ևս, հայտարարում ենք` ՄԻՊ Ա.Հարությունյանն իր պաշտոնից չի ազատվել, այն է` որևէ քվեարկություն տեղի չի ունեցել` ՀՀ օրենսդրության պահանջների համաձայն:
Այս բացահայտ և ցուցադրական ապօրինությունների պայմաններում ունենալուենք հերթական ապօրինի պաշտոնյան, այն էլ` «Մարդու իրավունքների պաշտպան»:
«Ընդդեմ ՀՀԿ ապօրինությունների» համահայկական կոմիտե
