Հայաստանում շատերն այսօր նշում են հայրենիքի պաշտպանի տոնը, և այդ կապակցությամբ տեղի ունեցած միջոցառման ժամանակ Հայաստանում ՌԴ դեսպանն իր խոսքում ընդգծեց, որ այսօր Կարմիր բանակի տոնն է։ ԱԺ ՀՀԿ-ական պատգամավոր Արտակ Զաքարյանից փորձեցինք հետաքրքրվել, թե արդյոք այստեղ հասցեագրված վիրավորանք չի՞ տեսնում։
Նա նշեց, որ Հայաստանի Հանրապետությունը ունի պաշտոնական տոն՝ հունվարի 28-ը, որը մեր ազգային բանակի տոնն է, և մեր հայրենիքի պաշտպանն էլ, բնականաբար, ազգային բանակն է, հայրենիքի պաշտպանության ընդհանուր երաշխավորը։
«Իսկ հայրենիքի պաշտպանի տոնը սովետական տարիներին նշվել է որպես Կարմիր բանակի տոն»,- ավելացրեց Արտակ Զաքարյանը։
