Ինչպես հաղորդում է Vesti.ru-ն` հղում կատարելով The Financial Times օրաթերթին, արևմտյան երկրների հատուկ ծառայությունները սկսել են փնտրել Լիբիայի ղեկավարի և նրա ընտանիքի գումարները, այդ թվում` բանկային հաշիվներ և անշարժ գույք:
Ինչպես գրում է կայքը, Քադաֆին իր «ֆինանսական կայսրությունը» շատ զգուշորեն է կառուցել, և նրա կարողությունների վերաբերյալ հստակ տեղեկություններ չկան: Սակայն հայտնի է, որ Քադաֆիի ընտանիքը հիմնական եկամուտները ստանում է նավթի և գազի վաճառքներից, հեռահաղորդակցության ոլորտից և այլն:
The Financial Times-ի տվյալներով, խոսքը 32 մլրդ դոլարի մասին է, որի զգալի մասը գտնվում է Եվրոպայում, հիմնականում` Իտալիայում: