Հայաստանում շատերն այսօր նշում են հայրենիքի պաշտպանի տոնը, և այդ կապակցությամբ տեղի ունեցած միջոցառման ժամանակ Հայաստանում ՌԴ դեսպանն իր խոսքում ընդգծեց, որ այսօր Կարմիր բանակի տոնն է։
Պահպանողական կուսակցության նախագահ Միքայել Հարապետյանը, անդրադառնալով այսօրվա տոնին, նշեց, թե չգիտի՝ ինչ ասել է «հայրենիքի պաշտպանի օր»։
«Սա ամենևին հայրենիքի պաշտպանի օր չէ ինձ համար։ Սա ռուս բոլշևիկների, ինչպես նաև Հայաստանում ապրող КГБ-ի ագենտների օրն է։ Նորմալ հայի համար այս օրը չի կարող լինել հայրենիքի պաշտպանի օր։
Իսկ թե ինչ կասի Ռուսաստանը, դրան միայն «օլուխները» և Տիգրան Սարգսյանը կարող են ականջ դնել»,- մեզ հետ զրույցում նկատեց Միքայել Հայրապետյանը: