Հոկտեմբերի 28-ին՝ ժամը 20.29-ին, տեղեկություն է ստացվել, որ Աշտարակ-Երևան ավտոճանապարհի 1-ին կմ-ում տեղի է ունեցել ճանապարհատրանսպորտային պատահար: Դեռևս չպարզված հանգամանքներում բախվել են համընթաց ընթացող «ՌԱՖ 2203» մակնիշի 67 ՏՏ 703 պետհամարանիշի և «ԶԻԼ» մակնիշի 15 ՕՍ 925 պետհամարանիշի ավտոմեքենաները, ինչի հետևանքով «ՌԱՖ 2203» մակնիշի ավտոմեքենայի ուղևոր, 1924 թ. ծնված Աղավնի Մնացականյանը ստացել է տարբեր աստիճանի մարմնական վնասվածքներ և տեղափոխվել Ապարան քաղաքի հիվանդանոց:
Նույն օրը, ժամը 10.30-ի սահմաններում, ճանապարհատրանսպորտային պատահար է տեղի ունեցել Երևան-Գյումրի ավտոճանապարհի 69-րդ կմ-ում: Դեռևս չպարզված հանգամանքներում «Մից¬ուբիշի Մոնտերո» մակնիշի 18 ՍՏ 585 պետհամարանիշի ավտոմեքենան դուրս է եկել ճանապարհի երթևեկելի մասից և շրջվել, ինչի հետևանքով ավտոմեքենայի վարորդ, 1974 թ. ծնված Սուրեն Պետրոսյանը տեղում մահացել է:
