Շուտով իրենց փոխհարաբերություններն օրինականացնելու մտադրություն ունեցող աստղային զույգի` Անջելինա Ջոլիի և Բրեդ Փիթի ընդհանուր կարողությունը կազմում է 172 մլն ֆունտ: Սակայն մոլորակի ամենահմայիչ և հաջողակ տղամարդկանցից մեկը համարվող Փիթը վերջերս տված հարցազրույցում ընդունել է, որ դա բավարար չէ:
Նա նաև նշել է, որ չնայած իրենք միլիոնավոր դոլարեր են փոխանցում միջազգային բարեգործական կազմակերպություններին աղքատներին և ընչազուրկներին օգնելու համար, միևնույն է, վերջիններս այնքան շատ են, որ բոլորին օգնել հնարավոր չէ:
Երբ դերասանին հարցրել են, թե որքան կարևոր է իր կյանքում փողը, նա պատասխանել է. «Լսե՛ք, փողը միշտ էլ չի բավարարում, հարստության հետ ստանում ես խնդիրների մի ամբողջ փունջ, որոնք ուղղակի այլ բնույթի են»:
Ներկայումս Անգլիայի հարավում իր քաղաքացիական կնոջ` Անջելինա Ջոլիի և 6 երեխաների հետ բնակվող Բրեդ Փիթը վերջում ավելացրեց, որ «Հնարավոր չէ փողոցում գտնվող յուրաքանչյուր մուրացկանին ողորմություն տալ, հակառակ դեպքում կմնաս դատարկ գրպանով: Բայց մեր պարտականությունն է փորձել հօգուտ թույլերի ինչ-որ բան անել»:
Իսկապես այս աստղային զույգը տարիներ շարունակ գումարներ է փոխանցում այս կամ այն վթարի հետևանքով տուժածներին: Բայց ինչ վերաբերում է գումար խնայելուն` Փիթը շրջանցեց այդ հարցը:
«Бизнес-Стиль» -ը նշում է, որ բառացիորեն մի քանի օր առաջ Փիթն իր ընտրյալին է նվիրել 390 000 դոլար արժողությամբ Patek Philippe ժամացույց, իսկ ապրիլին նրանց նշանադրության ժամանակ 250 000 դոլար արժողությամբ ադամանդե քարով մատանի: Անջելինան ևս շռայլ է սիրած տղամարդուն նվերներ անելու հարցում` մայիսին նա Փիթին նվիրել է 1,6 միլիոն դորար արժողությամբ ուղղաթիռ:
