Независимая Газета-ում հրապարակվել է ռազմական փորձագետ Վլադիմիր Մուխինի հոդվածը հետխորհրդային տարածքում ռազմական ծախսերի և երկրների զինման մասին:
Նրա տեղեկություններով, ամենաինտենսիվը զինվում են Վրաստանն ու Ադրբեջանը, իսկ հիմնականում ԱՊՀ տարածքում էականորեն ոչ մի երկիր չի զինվել և դեռ գործածության մեջ են Խորհրդային Միության արտադրության զինատեսակներ:
«Ադրբեջանում ռազմական ծախսերը ավելավել են 1,59 միլիարդ դոլարից մինչև 3,1 միլիարդ դոլար: Ադրբեջանի պաշտպանության նախարարի խոսքով, բացի այս գումարից` մոտ 1,36 միլիարդ դոլար ծախսվելու է ռազմական արդյունաբերության կարիքների վրա: Այդպիսով ռազմական կարիքների վրա Ադրբեջանը 2011-ին ծախսելու է 4,46 միլիարդ դոլար» ասվում է հոդվածում:
Շեշտված է նաև , որ Հայաստանը նույնպես զգալի գումարներ է ծախսում ռազմական կարիքների վրա, սակայն դա քանակական առումով 10 անգամ ավելի քիչ գումար է, քան Ադրբեջանինը: