Արթուր Աբրահամը, իր մարզիչն ու առաջիկա մրցակիցը՝ Ռոբերտ Շտիգլիցը, խոսել են բռնցքամարտի՝ օգոստոսի 25-ին տեղի ունենալիք հանդիպման մասին:
«Շաբաթ օրը ես պետք է նվաճեմ կաʹմ ամեն ինչ, կաʹմ ոչինչ: Ցնցող հնարավորություն է վերադառնալու միջազգային հարթակ: Ես պետք է այդ մարտն անցկացնեմ իմ տանը: Միասին մենք կարող ենք համոզվել, որ այդ տիտղոսը պետք է մնա Բեռլինում»,- ասել է Աբրահամը:
«Ես այնքան էլ վստահ չեմ, որ մեր մրցակիցը կհամաձայներ մենամարտել Արթուրի հետ, եթե իմանար նրա ներկայիս մարզավիճակը»,- հայտարարել է հայազգի բռնցքամարտիկի մարզիչը:
Ռոբերտ Շտիգլիցը ևս համոզված է իր ուժերի վրա.
«Ես կարծում եմ՝ կարող եմ հաղթել Արթուրին ուժով, տեխնիկայով ու մշտական ճնշում գործադրելով: Պետք է խուսափել նրա հուժկու հարվածներրից»,- ասել է Արթուրի մրցակիցը:
Նշենք, որ բռնցքամարտի Արթուր Աբրահամ-Ռոբերտ Շտիգլից հանդիպումը տեղի է ունենալու օգոստոսի 25-ին:
Հատկանշական է, որ Ռոբերտ Շտիգլիցը WBO վարկածով չեմպիոն է: