Առաջիկայում կարող է համաձայնություն կայացվել Հարավային Հոսք խողովակաշարին նոր մասնակիցների ներգրավման շուրջ: Այս մասին հայտարարել է Գազպրոմի ղեկավար Ալեկսեյ Միլլերը, հաղորդում է newsru.com-ը:
Նախագիծն իրականացնող Գազպրոմին և իտալական Eni-ին կարող է միանալ ֆրանսիական ЕdF-ը: Նախապես ենթադրվում էր, որ այն կստանա նախագծի 10 տոկոսը իտալական ընկերության բաժնեմասի հաշվին:
Նախկինում նախագծին միանալու հավանական թեկնածու էր համարվում գերմանական Winteshall-ը:
Ալեքսեյ Միլլերը նաև տեղեկացրել է, որ եվրոպացի գործընկերները հրաժարվել են ռուսական գազը գնել բորսաներում որոշվող ընթացիկ գներով: Նման բանակցություններ կողմերի մեջ սկսվել էին ֆինանսական ճգնաժամի ժամանակ, սակայն դրանից հետո վառելիքի գները, պահանջարկի նվազման հետևանքով ընկել են:
Նշենք, որ «Հարավային հոսքը» Nabucco խողովակաշարի մրցակիցն է համարվում դեպի Եվրոպա գազի առաքումների հարցում:
