Արդեն մի քանի օր է` տեղացող առատ ձյունը դժվարանցանելի է դարձրել Շիրակի մարզի մի շարք համայնքեր տանող ճանապարահները:
Մարզի ճանապարհները սպասարկող 4 ճանշին ընկերություններն ամեն ինչ անում են հանրապետական և միջպետական ճանապարհահատվածները անցանելի պահելու համար:
Ընդհանուր առմամբ մարզի ճանապարհների ձմեռային և ընդհանուր պահպանության համար պետբյուջեից տրամադրվել է 105 մլն 239 հազար դրամ:
Պատասխանատուների փոխանցմամբ, գումարը րի հերիքում, բայց պարտավոր են ճանապարհները բաց ու երթևեկելի պահել:
Ճանապարհաշինարարները փորձում են նաև անցանելի պահել դեպի Արփենի, Կարմրավան, Սարագյուղ, Ձորաշեն, Կրասար և Հարթաշեն տանող հատվածները: Այս գյուղերը ոչ մի պայմանագիր չունեն ոչ մի ճանապարհաշինական ընկերության հետ, բայց այդ վայրերում ևս երկուշաբթի` վաղ առավոտից հատուկ տեխնիկա է աշխատել:
Օդերևութաբանների կանխատեսմամբ, առաջիկա 2 օրերին ձյունը չի դադարելու: Այսինքն` չի բացառվում ճնապարհների տարբեր հատվածների դժվարանցանելի կամ փակ լինելը:
Վարորդներին խորհուրդ է տրվում երթևեկել միայն խիստ անհրաժեշտության դեպքում: