Pussy Riot պանկ խմբի երեք մասնակիցների նկատմամբ դատավճիռը ոչ կոռեկտ է ու չափազանց խիստ: Այս մասին ասվում է Human Rights Watch-ի հայտարարության մեջ: Իրավապաշտպաններն ընդգծել են, որ աղջիկները պետք է ազատ արձակվեն:
«Pussy Riot-ի գործով մեղադրանքն ու դատավճիռը փաստերի խեղաթյուրում է թե՛ ապացույցների առումով, թե՛ օրենքի տեսանկյունից: Այդ աղջիկներին ի սկզբանե չէր կարելի ենթարկել քրեական պատասխանատվության ատելության հողի վրա, ու նրանց պետք է անհապաղ ազատել»,- ընդգծել է Human Rights Watch-ի` Եվրոպայում ու Կենտրոնական Ասիայում տնօրեն Հյու Ուիլյամսոնը:
Փորձագետը ակնհայտ է համարել այն փաստը, որ Pussy Riot-ի աղջիկների նպատակը քաղաքական ելույթն էր: Նա ընդունել է, որ ոմանք այդ ելույթի ձևը կարող էին վիրավորական համարել: «Սակայն սադրիչ քաղաքական հայտարարությունների ու ատելության հողի վրա հանցագործությունների միջև հսկայական բաց կա»,- ընդգծել է Ուիլյամսոնը:
HRW-ում կարծում են, որ պետք է ապահովել հավասարակշռությունը ազատ խոսքի ու քաղաքական հայացքների միջև ու ապահովել այլ անձերի անվտանգությունը:
Հայտարարության մեջ ընդգծվում է, որ ռուսական իշխանությունները բավականին այլընտրանքային եղանակներ ունեին Pussy Riot-ին ադմինիստրատիվ եղանակով պատասխանատվության ենթարկելու համար:
Human Rights Watch-ի մասնագետները նկատել են, որ Pussy Riot-ի դատավճիռն ամբողջությամբ տեղավորվում է մարտյան նախագահական ընտրություններից հետո «գամերը քաշելու» տրամաբանության մեջ: