«Սիվիլիթաս» հիմնադրամը անցկացրեց քննարկում «Քաղաքացիական ակտիվություն, խնդիրներ և հաջողություններ» թեմայով:
Քննարկմանը մասնակցեցին նախորդ տարում անցկացված հասարակական, քաղաքական նախագծերի ակտիվ ներկայացուցիչները՝ «Մենք դեմ ենք օտարալեզու դպրոցների վերաբացմանը» նախաձեռնության անդամ Արմեն Հովհաննիսյանը, Թեղուտի պաշտպանության խմբի նախաձեռնող Մարիամ Սուխուդյանը, քաղաքագետ Միքայել Զոլյանը, «Ժամանակավոր աշխատունակության մասին» օրենքի փոփոխության դեմ նախաձեռնող խմբի անդամ Սերգեյ Սարգսյանը:
Քննարկման ընթացքում բանախոսները փորձեցին բացատրել, թե ինչու են որոշ դեպքերում հասարակական ակտիվ գործունեությունները արդյունք տալիս, իսկ որոշ դեպքերում՝ ոչ:
Բանախոսների գնահատմամբ, հասարակության քաղաքական ակտիվության համար մեծ դեր ունի տեղեկատվական տեխնոլոգիաների տարածումը մեր երկրում:
